Работа МО учителей белорусского языка и литературы

 

Дзень 3. 19 лютага прайшла інтэлектуальная гульня "Я ведаю"  Удзельнікі - вучні 6-7  класаў. Каманда "Сказ" атрымала перамогу.

У гэты дзень вучні дакрануліся да этнаграфічнай спадчыны. Спачатку яны самі расказвалі пра тыя рэчы, якія ім былі вядомы. Потым удзельнічалі ў квэст-гульні  і шукалі прадметы, зашыфраваныя ў рэбусах і загадках. Напрыканцы кожны задаваў пытанні пра экспанаты, што былі невядомыя для вучняў. Гэты дзень запомніўся вучням і падарыў усмешкі, веды і цікавыя імгненні...

Акцыя "Гавары са мной па-беларуску". У акцыі прынялі ўдзел настаўнікі, вучні, госці гімназіі. Прайшоў 1 тур раённай алімпіяды па беларускай мове і літаратуры. У алімпіядзе ўзялі ўдзел 23 вучні 5-8 класаў.

За ватрушкі купім лыжы! У рамках тыдня беларускай мовы ў гімназіі № 1 адбыўся дабрачынны кірмаш “Беларускія стравы”

Сродкі, выручаныя на ім, будуць выкарыстаны на набыццё спартыўнага інвентара для ўстановы.

Настаўнікі беларускай мовы і літаратуры, класныя кіраўнікі, вучні разам з бацькамі арганізавалі гэта мерапрыемства ў лепшых беларускіх традыцыях — з вясёлымі вершамі і прымаўкамі, песнямі. Добразычлівыя прадаўцы смачных страў ледзьве паспявалі абслугоўваць пакупнікоў, сярод якіх былі не толькі навучэнцы, але і працаўнікі гімназіі.

Кірмаш прайшоў весела і ажыўлена, падарыў шмат яркіх уражанняў усім удзельнікам.

Вераніка ТАРЫМА, вучаніца 9 “Б” класа.